کہرہ کا سایہ

خاموش جنگل

شہر کے کنارے ایک پرانا جنگل تھا جہاں سارا سال ہلکی دھند چھائی رہتی تھی۔ لوگ اسے کہرہ والی وادی کہتے تھے۔ کہتے ہیں وہاں رات کے وقت ایک عورت کی چیخ سنائی دیتی ہے جو زندوں سے بدلہ لینے واپس آئی تھی۔ اکثر لوگ اس جگہ کے قریب بھی نہیں جاتے تھے کیونکہ وہاں کے درختوں سے جیسے کوئی آہستہ آہستہ باتیں کرتا تھا۔ ریحان ایک نوجوان فوٹوگرافر تھا جو ایسی کہانیوں کو مذاق سمجھتا تھا۔ وہ مانتا تھا کہ دنیا میں بھوت یا چڑیل کچھ نہیں ہوتے۔ اس کا خیال تھا کہ لوگ اپنی ڈرپوک فطرت سے خود کہانیاں بنا لیتے ہیں۔ اس نے سوچا کہ وہ ایک ڈاکیومنٹری بنائے گا تاکہ سب کو دکھا سکے کہ یہ سب جھوٹ ہے۔ اس کے دوست حمزہ نے پہلے تو منع کیا مگر آخر کار ساتھ جانے پر تیار ہو گیا۔ ریحان نے کیمرہ، لائٹس اور سب سامان پیک کیا اور کہا آج ہم دنیا کو حقیقت دکھائیں گے۔

دھند کا سفر

رات کے دس بجے وہ دونوں جنگل کے اندر پہنچے۔ فضا میں نمی اور عجیب سی خوشبو پھیلی ہوئی تھی۔ ہر طرف خاموشی تھی جیسے وقت رک گیا ہو۔ درختوں کے پتّے بھی حرکت نہیں کر رہے تھے۔ حمزہ نے آہستہ کہا یہ جگہ ٹھیک نہیں لگ رہی واپس چلتے ہیں۔ ریحان ہنسا اور بولا ڈر مت ہم صرف ویڈیو بنا رہے ہیں کچھ نہیں ہوگا۔ دھند بڑھتی جا رہی تھی۔ سامنے کا منظر دھندلا ہو گیا۔ ریحان نے کیمرہ آن کیا اور بولنے لگا دیکھو یہاں کچھ بھی نہیں ہے صرف ہوا اور درخت۔ ابھی وہ بول ہی رہا تھا کہ اچانک کیمرے کی لائٹ بجھ گئی۔ اندھیرا چھا گیا۔ کچھ سیکنڈ کے بعد ایک ہلکی سی چاپ سنائی دی جیسے کوئی نرم زمین پر ننگے پاؤں چل رہا ہو۔ حمزہ نے پریشانی سے اردگرد دیکھا مگر کچھ نظر نہیں آیا۔ ریحان نے ٹارچ نکالی اور روشنی چاروں طرف گھمائی مگر صرف دھند تھی جو ان کے اردگرد ناچ رہی تھی۔

پہلی آہٹ

دونوں تھوڑی دیر خاموش کھڑے رہے۔ پھر کہیں دور سے کسی عورت کی مدھم آواز آئی جو کسی کا نام پکار رہی تھی۔ آواز بہت دھیمی مگر واضح تھی۔ جیسے کوئی رو کر بول رہا ہو۔ ریحان کے چہرے پر سنجیدگی آ گئی۔ حمزہ نے کانپتی آواز میں کہا یہ کیا تھا۔ ریحان نے جواب دیا شاید ہوا کی آواز ہے۔ اچانک وہی آواز قریب سے آئی ریحااان۔ اس بار آواز بالکل ان کے پیچھے سے تھی۔ حمزہ نے ڈر کر ریحان کا بازو پکڑا۔ ریحان نے ٹارچ پیچھے کی طرف کی۔ روشنی میں درختوں کے درمیان ایک سایہ سا نظر آیا۔ وہ بالکل سیدھا کھڑا تھا۔ جیسے کسی نے سانس لینا چھوڑ دیا ہو۔ ریحان نے کہا یہ کوئی انسان ہے ہم جا کر دیکھتے ہیں۔ حمزہ نے روکتے ہوئے کہا مت جاؤ مگر ریحان آگے بڑھ گیا۔

سفید عورت

چند قدم آگے جانے کے بعد دھند ہٹنے لگی اور ایک عورت نظر آئی۔ وہ سفید کپڑوں میں تھی۔ بال گیلے اور چہرہ ادھورا دکھ رہا تھا۔ اس کے پیروں کے نیچے زمین گیلی تھی جیسے وہ ابھی ابھی پانی سے نکلی ہو۔ وہ عورت آہستہ آہستہ ان کی طرف بڑھنے لگی۔ حمزہ کے قدم پیچھے ہٹ گئے۔ ریحان نے کانپتے ہاتھ سے کیمرہ اٹھایا اور اسے زوم کیا۔ جیسے ہی زوم بڑھا عورت کی آنکھیں سیدھی لینس میں دیکھنے لگیں۔ وہ آنکھیں سرخ اور روشن تھیں جیسے ان کے اندر آگ جل رہی ہو۔ ریحان کے ہاتھ کانپنے لگے۔ اس نے ہمت کی اور کہا رک جاؤ مگر عورت رکنے کے بجائے مسکرا دی۔ اس کی مسکراہٹ اتنی ٹھنڈی تھی کہ ہوا تھم گئی۔ اگلے لمحے کیمرہ زمین پر گرا اور ایک زوردار چیخ پورے جنگل میں گونجی۔

خاموش صبح

اگلی صبح جب سورج نکلا تو پولیس کو اطلاع ملی کہ جنگل میں کسی حادثے کا امکان ہے۔ وہ جب موقع پر پہنچے تو وہاں صرف ایک خالی کیمرہ ملا۔ کیمرے کے قریب مٹی پر دو جوڑے قدموں کے نشان تھے جو اچانک درمیان میں ختم ہو گئے تھے۔ فوٹیج دیکھی گئی تو آخر میں صرف ایک منظر تھا۔ ریحان کا چہرہ خوف سے مڑا ہوا اور دھند میں وہ عورت آہستہ آہستہ کیمرے کے قریب آ رہی تھی۔ پولیس نے جگہ بند کر دی۔ رپورٹ میں لکھا گیا کہ دونوں لڑکے لاپتہ ہیں۔ کوئی ثبوت نہیں ملا کہ ان کے ساتھ کیا ہوا۔ حمزہ کا فون اور ریحان کا بیگ بھی غائب تھا۔ شہر میں خبر پھیل گئی اور سب لوگ کہرہ والی وادی کا نام سنتے ہی ڈرنے لگے۔

ایک سال بعد

وقت گزرتا گیا۔ ایک سال بعد یوٹیوب پر ایک نیا چینل سامنے آیا جس کا نام تھا کوہرا فائلز۔ کسی کو معلوم نہیں تھا کہ اسے کس نے بنایا ہے۔ چینل پر پہلا ویڈیو اپلوڈ ہوا جس میں وہی فوٹیج تھی جو پولیس کو جنگل سے ملی تھی۔ لیکن اس ویڈیو میں تاریخ نئی لکھی تھی اور آخر میں ایک نیا منظر شامل تھا۔ ویڈیو کے آخری حصے میں دھند کے پیچھے ایک اور سایہ نظر آ رہا تھا جو کیمرہ اٹھا کر مسکرا رہا تھا۔ لوگ حیران رہ گئے کہ یہ نیا منظر کہاں سے آیا۔ تب سے اس چینل پر ہر مہینے ایک نئی فوٹیج آتی ہے اور ہر بار پس منظر میں وہی عورت دکھائی دیتی ہے جو دھند میں کھڑی رہتی ہے۔

سرگوشی

لوگوں نے کہنا شروع کیا کہ جو بھی وہ ویڈیو رات کے تین بجے دیکھتا ہے اسے اپنے کمرے میں ہلکی سی دھند دکھائی دیتی ہے۔ کبھی کھڑکی کے پاس کسی کے قدموں کی چاپ سنائی دیتی ہے۔ کچھ لوگ کہتے ہیں کہ وہ عورت اب ہر سکرین کے پیچھے چھپ گئی ہے۔ وہ تب ظاہر ہوتی ہے جب کوئی اسے مذاق سمجھتا ہے۔ ریحان اور حمزہ کبھی واپس نہیں ملے۔ مگر آج بھی ان کے دوست جب ان کے کیمرے کی تصویر دیکھتے ہیں تو محسوس کرتے ہیں جیسے کوئی پیچھے سے انہیں دیکھ رہا ہو۔ کہرہ والی وادی اب بند ہے مگر اس کے درختوں کے درمیان اب بھی کوئی ہے جو ہر رات ایک ہی نام پکارتی ہے۔
ریحاااان

Khamosh Jungle

Sheher ke kinare ek purana jungle tha jahan saara saal halki dhund chhayi rehti thi Log use Kohra Wali Wadi kehte the Kehte hain wahan raat ke waqt ek aurat ki cheekh sunai deti hai jo zindon se badla lene wapas ayi hoti hai Aksar log is jagah ke qareeb bhi nahi jate the kyun ke wahan ke darakhton se jaise koi aahista aahista baatein karta tha Rehan ek naujawan photographer tha jo aisi kahaniyon ko mazaq samajhta tha Wo maanta tha ke duniya me bhoot ya chudail kuch nahi hote Uska khayal tha ke log apni darpok fitrat se khud kahaniyan bana lete hain Usne socha ke wo ek documentary banayega taake sab ko dikha sake ke ye sab jhoot hai Uske dost Hamza ne pehle to mana kiya magar aakhir kar saath jane par tayyar ho gaya Rehan ne camera lights aur saara saman pack kiya aur kaha Aaj hum duniya ko haqeeqat dikhayenge

Dhund ka Safar

Raat ke 10 baje wo dono jungle ke andar pohanche Faza me nami aur ajeeb si khushboo phaili hui thi Har taraf khamoshi thi jaise waqt ruk gaya ho Darakhton ke patte bhi harkat nahi kar rahe the Hamza ne aahista kaha Ye jagah theek nahi lag rahi wapas chalte hain. Rehan hansa aur bola Dar mat hum sirf video bana rahe hain kuch nahi hoga. Dhund barhti ja rahi thi Samne ka manzar dhundla ho gaya Rehan ne camera on kiya aur bolne laga Dekho yahan kuch bhi nahi hai sirf hawa aur darakht Abhi wo bol hi raha tha ke achanak camera ki light bujh gayi Andhera chha gaya Kuch second ke baad ek halki si chaap sunai di jaise koi narm zameen par nange paon chal raha ho Hamza ne parishani se irdgird dekha magar kuch nazar nahi aya Rehan ne torch nikali aur roshni charo taraf ghumai magar sirf dhund thi jo unke irdgird naach rahi thi

Pehli Aahat

Dono thodi der khamosh khade rahe Phir kahin door se kisi aurat ki madhum awaaz ayi jo kisi ka naam pukar rahi thi Awaaz bohot dheemi magar wazeh thi jaise koi ro kar bol raha ho Rehan ke chehre par sanjeedgi aa gayi Hamza ne kanpti awaaz me kaha Ye kya tha. Rehan ne jawab diya Shayad hawa ki awaaz hai. Achanak wohi awaaz qareeb se ayi Rehaaaaan Is baar awaaz bilkul unke peeche se thi Hamza ne dar kar Rehan ka bazu pakda Rehan ne torch peeche ki taraf ki Roshni me darakhton ke darmiyan ek saaya sa nazar aya Wo bilkul seedha khada tha jaise kisi ne saans lena chhod diya ho Rehan ne kaha Ye koi insaan hai hum ja kar dekhte hain Hamza ne rokte hue kaha Mat jao magar Rehan aage barh gaya

Safaid Aurat

Chand qadam aage jane ke baad dhund hatne lagi aur ek aurat nazar ayi Wo safaid kapron me thi Baal gile aur chehra adhura dikh raha tha Uske pairon ke neeche zameen gili thi jaise wo abhi abhi pani se nikli ho Wo aurat aahista aahista unki taraf barhne lagi Hamza ke qadam peeche hat gaye Rehan ne kanpte haath se camera uthaya aur use zoom kiya Jaise hi zoom barha aurat ki aankhein seedhi lens me dekhne lagi Wo aankhein surkh aur roshan thi jaise unke andar aag jal rahi ho. Rehan ke haath kanpne lage Usne himmat ki aur kaha Ruk jao magar aurat rukne ke bajaye muskra di Uski muskaan itni thandi thi ke hawa tham gayi Agle lamhe camera zameen par gira aur ek zordar cheekh poore jungle me goonj gayi

Khamosh Subah

Agli subah jab suraj nikla to police ko ittila mili ke jungle me kisi hadse ka imkaan hai Wo jab site par pohanche to wahan sirf ek khaali camera mila Camera ke qareeb mitti par do jore qadam ke nishan the jo achanak darmiyan me khatam ho gaye Footage dekhi gayi to aakhir me sirf ek manzar tha Rehan ka chehra khauf se murha hua aur dhund me woh aurat aahista aahista camera ke qareeb aa rahi thi. Police ne jagah band kar di Report me likha gaya ke dono ladke lapta hain Koi saboot nahi mila ke unke saath kya hua Hamza ka phone aur Rehan ka bag bhi ghaib tha Sheher me khabar phail gayi aur sab log Kohra Wali Wadi ka naam suntay hi darne lage

Ek Saal Baad

Waqt guzarta gaya Ek saal baad YouTube par ek naya channel samne aya jiska naam tha Kohra Files Kisi ko maloom nahi tha ke ise kisne banaya Channel par pehla video upload hua jisme wohi footage thi jo police ko jungle se mili thi Magar is video me tareekh nayi likhi gayi thi aur aakhir me ek naya manzar shamil tha Video ke aakhri hisse me dhund ke peeche ek aur saaya nazar aa raha tha jo camera uthakar muskara raha tha Log hairaan reh gaye ke ye naya manzar kahan se aya. Tab se is channel par har mahine ek nayi footage aati hai aur har baar background me wohi aurat dikhai deti hai jo dhund me khadi rehti hai

Sargoshi

Logon ne kehna shuru kiya ke jo bhi ye video raat ke teen baje dekhta hai use apne kamre me halki si dhund dikhai deti hai Kabhi khidki ke paas kisi ke qadam ki chaap sunai deti hai Kuch log kehte hain ke woh aurat ab har screen ke peeche chhup gayi hai Wo tab zahir hoti hai jab koi ise mazaq samajhta hai Rehan aur Hamza kabhi wapas nahi mile Magar aaj bhi unke dost jab unke camera ki tasveer dekhte hain to mehsoos karte hain jaise koi peeche se unhe dekh raha ho Kohra Wali Wadi ab band hai magar uske darakhton ke darmiyan ab bhi koi hai jo har raat ek hi naam pukarta hai
Rehaaaaan